اللي عايز يمشي يمشي

نور الامام

اللي عايز يمشي بجد .... بيمشي و بيسيب كل حاجه وراه من غير بيبان مواربه  
الكاتبه #رانيا_شكري في كتابها #بعد_ما_سبنا_بعض   إتكلمت عن قاعده مهمه جدا في نهايه العلاقات العاطفيه و هي قاعده #اللاتواصل   No Contact Rule بلوك .. بلوك .. بلوك محتاج تقطع المكالمات الهاتفيه .. ما تراقبش البوستات علي فيسبوك و لا الاستوريز علي واتساب .. ما تروحش أماكن كنت متعود تروحها مع الحبيب إللي مابقاش حبيب .. ما تروحش حتي أماكن مُختمل إنكوا تتقابلوا فيها .. ما تراقبش .. ما تراقبش .. ما تراقبش ..... تبعد عن أي حاجه ليها علاقه بيه لا من قريب و لا من بعيد.

في كتاب #why_we_love للكاتبه #هيلين_فيشر إتكلمت عن تجربه مهمه قوي جابوا مجموعه من الناس إللي إتعرضوا مؤخراً لتجارب إنفصال و عرضوا عليهم صور شركائهم إللي إنفصلوا عنهم ... و عملوا scan لأدمغتهم في الوقت إللي إتفرجوا فيه علي الصور و النتيجه كانت إن المخ كان له ردرد أفعال كيميائيه قويه جدا و كمان حسوا بمشاعر مؤلمه جدا بمجرد ما شافوا الصور دي إنت متخيل؟؟  إنت متخيل إنت بتعمل إيه في نفسك كل مره بتتكلم معاه أو بتشوفه أو حتي بتراقبه من بعيد لبعيد وجع بالكوم .. و قهره و كسرة قلب مالهاش زيي.

عشان كده إنت محتاج     تقطع كل سُبل التواصل معاه .. في الحقيقه .. و علي الميديا.  ما تروحش أي مناسبات إجتماعيه ؛ فيه إحتماليه إنكوا تتقابلوا فيها   حاول تطلب من أصحابكم المشتركين إنهم ما يتكلموش عنه قدامك ؛ و لا يبلغوك بأخباره   لو بتشتغلوا سوا .. الوضع هيكون أصعب .. و ساعتها في الغالب هتحتاج تنقل لقسم تاني ، فرع تاني ، شغل تاني ... لأن تواصلك معاه و شوفتك له كل يوم .. هيدمرك و يرجعك لورا

لمزيد من مقالات نور الامام اضغط هنا