إليك الخطوات التالية 📷 خليك عارف ان الموضوع ممكن يكون أصعب شوية لكنه مش مستحيل هنبدأ من الاسهل الأصعب من حيث الوقت والمجهود ١- جروبات وصفحات الفيسبوك المتخصصة : ادخل وتابع الجروبات المتخصصة في علم النفس بشكل وفي الحتة اللي انت عاوز تتخصص فيها بشكل خاص، هتلاقي كلام كتير يفيدك. هتلاقي ناس بتنزل كتب وناس بتسأل عن حالات وناس بترد عليهم، وهتلاقي كلام كتير يفيدك، وهتعرف مواعيد المؤتمرات المهمة. ولو عندك سؤال هتلاقي ناس هتفيدك. 📷📷📷📷📷📷📷📷📷📷📷📷📷📷📷📷📷📷📷 ٢- القراءة : في كتب كتير حلوة وممكن تفرق معاك لو بنتكلم في الاكلينيكي فأنت ممكن تبدأ بكتاب أصول علم النفس لدكتور فرج طه ثم بكتب د. عادل صادق وتلاقيها كلها تقريبا متاحة PDF ، كتب متخصصة وسهلة جدا في نفس الوقت. بعد كدة تبدأ تشوف ايه اللي لفت نظرك في الكتب دي وتقرا عنها بشكل متعمق اكتر في كتب تانية او مواقع انترنت من المواقع المفيدة جدا بالعربي موقع للعلاج المعرفي السلوكي 📷 📷WWW.CBTARABIA.COM موقع عيادات مايو كلينيك للخدمات الطبية والبحث العلمي والتدريب بالولايات المتحدة الأمريكية 📷 📷www.mayoclinic.org/ar/ موقع الكلية الملكية للطب النفسي ب إنجلترا 📷 📷 www.rcpsych.ac.uk/mental-health/translations/arabic موقع منظمة الصحة العالمية 📷 📷 www.who.int/topics/mental_health/ar/ Best English sites Www.Psychiatry.org الجمعية الأمريكية للطب النفسي Www.APA.org. الجمعية الأمريكية لعلم النفس 📷📷📷📷📷📷📷📷📷📷📷📷📷📷📷📷📷📷📷 ٣- حضور المؤتمرات العلمية : دلوقتي معظم الجامعات بتعمل مؤتمرات، وكذلك الجمعيات العلمية وبعض المستشفيات والمؤسسات، معظم المؤتمرات دي بتكون حضورها مجاني بدون شهادة واكل والكلام ده ، وبعضها بيكون الشهادة ووجبتين الفطار والغدا كمان مجانا. المؤتمرات بتكون مفيدة جدا جدا جدا لأسباب كتير،. منها مثلا انك بتقابل أساتذة وزملاء ذوي خبرة، وتتعرف عليهم ويتعرفوا عليك، كمان كمية معلومات كبيرة جدا بتطرح في المؤتمرات ، وتساعدك في انك تشوف هتمشي في أنهى اتجاه ، وكترة المتحدثين في المؤتمرات بتخليك تعرف تميز بين الأساتذة ومين اكتر حد طريقته تناسبك علشان تتابعه بعد كدة المؤتمرات عادة بتكون مكثفة خلال الفترة من شهر يناير الي شهر أبريل (الترم الثاني يعني) اهم المؤتمرات في ضوء تجربتي البسيطة 📷 مؤتمر مركز الطب النفسي بجامعة عين شمس (ده هيكون في سبتمبر اللي جاي غالبا) 📷 مؤتمر مستشفيات د. جمال ابو العزايم 📷 مؤتمر مستشفى الطب النفسي د عادل صادق (وده بنعمله مرتين في السنة، وبيكون مجانا بالشهادات بالأكل بكل حاجة ) اهم المؤتمرات اللي حضرتها ٤- السيمنارات والمناقشات العلمية في اكتر من مكان بيعملوا مناقشات علمية زي عرض الحالات والمحاضرات في مستشفى سيد جلال والحسين وزي طبعا مناقشة رسائل الماجستير والدكتوراه في الجامعات لو اشتغلت على نفسك سنة واحدة بالخطة دي هتفرق معاك كتير جدا بدون ما تتكلف اي حاجة. وياريت ماحدش يقول ده كتير او يسأل عن حاجة أسهل، لأن مافيش أسهل من كدة، ولو ماتعبتش على نفسك علشان تطورها تبقى ماتنفعش تكون أخصائي نفسي، شوفلك سكة تانية، لأن اللي مايتعبش لنفسه مش هيتعب علشان يساعد الناس ، فماتعملناش زحمة ع الفاضي
